此外，佢仲上载咗一张用玩偶遮住自己嘅相，相中嘅Yoyo身穿短褲仔，大晒白滑美腿。唔少网民都话就算遮咗樣都一定认得佢，亦有大讚Yoyo性格乐观，係一個好好嘅媽咪添！
恨进军荷里活！方力申贴钱出半秒都肯制
艺人方力申到APM出席关于「星球大战」的活动，讲到现场有一比一星战的Figure摆设，身为星战粉丝的小方表示家中没有这些Figure摆设：「但古天乐好似有好多，我冇参观过，有机会都想去。」但他表示家中反而收藏了一比一的艺术品，（你有几多件呢啲雕塑？）都有七、八件，每件成500公斤以上。」他亦表示想买这些星战一比一的Figure，但兴趣太多，资金有限。
问到这些7、8件的雕塑可要过亿，他笑言：「咁又冇，太睇得起我。（系咪因为太多数唔晒所以先咁讲？ ）梗系唔系，不知几恨事业上再多啲突破，有啲演员好恨拍荷里活片，有啲人唔恨，但我唔系，见半秒都好呀，喺《星战》入面行过畀人「招」一下就死都好呀，或者扮死尸都得。（贴钱做埋都制？）制，几难得啲机会。（肯贴几多钱？ ）叫佢拣件雕塑走。（最贵个雕塑要几多钱？ ）都要过百万。」
陈凯琳处女拍戏同Stephy默契十足
女星邓丽欣（Stephy）、陈凯琳（Grace）、林耀声、游学修、邓月平等主演合作的新片日前煞科，经过连月来的合作，两位女演员已成为好姊妹，在煞科时面对摄影师狂射香槟，二人随即联手还击，默契十足。讲到与Grace合作，Stephy笑说：「同Grace合作愈拍愈顺，愈拍愈快，大家好有默契。」
而Grace则说：「今次系我第一部参与嘅电影，好开心有Stephy咁嘅对手，令我演得好舒服，好自然入戏。」
城城为囡囡打造美梦！方媛晒Chant睡床
52岁天王郭富城于2017年9月升呢做咗老窦，太太方媛为佢诞下小公主Chant，一家三口幸福美满！
近日，再度活跃社交网的方媛，啱啱上载咗Chant嘅BB床相片，见到张床仔以粉红色为主色，床上面有个小帐篷，床边仲围住咗好多小公仔，真系好得意，难怪方媛留言「小公举（主）」。不过网民就话想见下Chant嘅真身多过佢个女床咁话喎！
翠如演技遭狠批袁伟豪Man爆抱不平
上星期啱啱播完嘅无线重头剧《使徒行者2》中黄翠如凭卧底「阿梅」一角成功抢镜，佢以「洋葱式」演法喊出多种层次，就连同剧嘅「三哥」苗侨伟都公开点名大赞佢嘅演技。
不过翠如嘅演技近日就喺网上遭到狠批，仲拎埋之前喺《赌城群英会》中嘅佘诗曼同《幕后玩家》中龚嘉欣嘅爆喊位做对比添！
而于剧中同翠如有不少对手戏嘅袁伟豪睇到嗰篇报道后，就喺社交网晒咗张佢同翠如嘅合照，为对方抱不平，留言称：「致……板主或编辑：黄翠如小姐是一位很用心的演员，本人跟她一起演戏很能够投入而且一点也不觉得辛苦！即使阁下不懂得欣赏，也请不要作这样的评论来伤害别人，不要制造这机会来鼓吹大众一起去攻击她。」之后袁伟豪仲hashtag指「他朝君体也相逢（同）」，希望大家唔好伤害别人。难怪唔少网友都留言大赞袁伟豪此举Man爆之外，仲力撑翠如演技有好大嘅进步！
其后，身为翠如好友嘅曹永廉同林盛斌亦有转发袁伟豪嘅甫文，仲大赞翠如唔止系用心的演员，仲系一个好好嘅女仔嚟！
单身少女？ 肌肉男？ 白富美？ 高富帅？
尽在今晚“沙城鬼混”
声明：本文由入驻搜狐号作者撰写，除搜狐官方账号外，观点仅代表作者本人，不代表搜狐立场。
